الخميس، 30 سبتمبر 2010

نعترف لِك

نعترف لِك ..
ويعترف لِك ..
قلب عمره ما كشف قبلِك أوراقه..
واعترف .
قلب عمره ..
ما شعر قبلِك بنبضه يختلف .
ولمّا اختلف ..
آهو اعترف لِك باختلافه ..
آهو اعترف لِك باندهاشه ..
بانتعاشه .. بانعطافه ..
من شموخه واعتزازه ..
لانبهاره وانكساره .. وارتجافه ..
يا خرافة .
يا خرافة في سموِّك ..
في جمالِك .
يا خرافة في هدوِّك ..
وانفعالِك .
ياخرافة ..
في التفاصيل اللي وصلت ..
منتهى حدود اللطافة .
نعترف لِك ..
ويعترف لِك قلب عمره ..
ما كشف قبلِك أوراقه واعترَف ..
قلب عمره ..
ما تذلل .. لا تذمّر .. لا نزف ..
قلب قبلِك كان أشبه ما يكون ..
بغصن أخضر ..
بالعصافير ايتمايل ..
كل ما عصفور غادر ..
غرّدَن غيره بدايل .

قلب قبلِك ..
كانت المتعة الوحيدة ..
عنده في ليله ونهاره ..
كل ما طيّر قصيدة ..
طيّرت نوم العذارى .
نعترف لِك ..
ويعترفلِك قلب خايف ..
ينكسر بعد اعترافه ..
خايف احساسه يخونه ..
صمتِك ايقوّي ظنونه ..
وثرثرة نظرة عيونِك ..
تختصر طول المسافة .